கனவு மெய்ப்படுமே...?!

நெடு நேரக் கனவின் பின்

ஒருநாள் விழித்தெழுந்தும்

தொடரும்

கனவின் நிழலில்

இடிபாடுகளுடன்

அழுக்கடைந்த கலசங்களின்

உச்சியில்

பட்டும் படாமலும்

சட சடத்துப் பறக்கும்

புறாக்களின் சிறகசைவில்

காற்றின் மென் சுருட்டலில்

அதிரத் தளும்பும்

உலர் பூக்களின் சறுகோசையில்

அத்திப் பழ இனிப்பு நெடியில்

கை ஒட்டிய பாவனையில்

துடைத்துக் கொள்ள துணி தேடும்

தூசுக் கலவை நாசி தாக்க

புகை படிந்த ஓவியமாய்
ஞாபகப் பரணில்

பத்திரப்படுத்தப் பட்ட
ஏதோ ஒரு கோயில்

நிஜமாய் கண்ணில் பட்டால்
கனவு மெய்ப்படுமே

வாழ்வின் நிஜங்கள் தென்படுமே ?!