பின்னலில் இட்ட பூ கொதித்துக் கசங்க
ஜன்னல் வழி பாயும் வெருகாய்
தாவிப் பறந்திட்ட துன்பக் கேணி;
இட்டமிலா தெய்வச் சடங்காய்
இன்னமும் உச்சித் திலகம்
பட்டுத் தெறிக்கும் விழியெலாம்
கானல் நீர் அமிலக் கரைசல் ;
மின்னட்டாம் பூச்சியாய் தூரத்தே
சிணுங்கும் கொலுசொலி ...
சிந்தூர சந்தன வாசம்
ஊடற்பொழுதாயினும்,
கூடற்பொழுதாயினும்,
யாதொன்றும் பிடிபடா திக்கில்
செப்பிடு வித்தையாய்
செவ்வாய்க்குப் பின் சங்கில்
அடைக்குமோர் மென்பந்து
அவஸ்தைகள் இலவசம் ;
பொருள் வழிப் பிரியினும்
பகை வழிப் பிரியினும்
விதி வழிப் பிரியினும்
பிரிவு பிரிந்தோர் மாட்டே ...
