Saturday, January 24, 2009

எல்லாப் பயணங்களும்...


எல்லா பயணங்களும்

கீழிருந்தே துவங்குகின்றன ...

மேலே செல்லச் செல்ல

தொடரும் வால் போல

நீளும் ஏணிப்படிகள்

படிப்படியாய் தயங்கி

அவ்விடத்தே

நிலைத்துவிட

பயணங்கள் என்றென்றும்

துவங்கித் தொடர்கின்றன ...

பயணிகள் மாறலாம்

பயணங்கள் மாறுவதில்லை

எல்லாப் பயணங்களும்

கீழிருந்தே

துவங்கித் தொடர்கின்றனவாம் ...!!!

மரத்துப் போன மரப்படிகள் ...!

உடைந்த கண்ணாடிகளாய்

சிதறிய உறவுகள்

ஒட்ட வைக்க முயன்றாலும்

கிட்டுவதெல்லாம்

ஒழுங்கில்லா பிம்பங்களே

முக்கோணத்தின் மூலை விட்டமாய்

ஒட்டாமல் உதறிபிரிந்தவற்றை

சட்டமாய் ஒதுக்கித்தள்ள

மனமில்லாவிட்டாலும்

சற்றேனும்

மறந்த்திருக்க

வேலைகளும் காத்திருக்க

சட்டென்று வீசி எறிந்தேன்

உச்சிப்பரண் மீது

லேசாகிபோனது போல்

நடித்த மனதுடன்

நடந்து கடந்தேன்

என் வீட்டு பரணின் மரப்படிகளை ...!!!

மரத்துப் போகும் மனக்காயங்கள்

என்ற

உளுத்துப் போன நம்பிக்கையோடு ...?!