மலை ஏற
ஆசை ...!
வால் பாறை
வட்டப்பாறை
வழுக்குப்பாறை
நொடியில் தாண்டி
இலைப்பச்சை
தளிர்பச்சை
கரும் பச்சை
மரச்செடிகள்
கண் காணாப் புறந்தள்ளி
ஓடோடி சிகரம் தொட்டேன் ;
என் வீட்டு மொட்டை மாடி காண...
மலை ஏறிய பின் தான்
பின் தான் ...
பின் தான் ...
தெரிந்தது !
மாடியிலிருந்த
பிரம்மாண்டமிங்கே
மலையிலிருந்த
எலிப் புழுக்கை முன்
செத்துச் சுண்ணாம்பாக
ஏமாற்றத்தில் துவண்டு
மேலிருந்து கீழ் நோக்க
உச்சி மீது வானிடிந்து வீழ்ந்ததடா...
வந்த வழி தான் மறந்து போனதடா ...
இதோ
காத்திருக்கிறேன்
ஆடு மேய்க்கும்
சிறுவர்களுக்காய்...?!
